Kirmanckî Online

Switch to desktop Register Login

Pepug waneno

  • Nûskar  Ercan Sariçîçek

Serê Gimgimî hewr o, toz û duman o

Dero dormî de gazî û şîn o, şîwan o

Hard lerzo ma ser, halo yaman o

Bê mecal mendîme, pepug waneno

 

Hetêde hu, zengen dest de nêmendo

Hetêde bîrîndar, tenge de mendo

Keso ke tebe ra bê çare mendo

Bê sitar mendîme, pepug waneno

 

Zalimî da piro, berdî wayî, birayî

Ocaxî rijnayî, şaynayî çilayî

Axî heremnayî, rayî vurnayî

Bê çare mendîme, pepug waneno

 

No welato şên û weş, bîyo mezele

Ebi desta kinenîme, erzenîme wele

Felek mecal nêdano, kerdo ecele

Dayika mi bîrîndar, pepug waneno

 

Roja bîne leşkerî, xo resna dewa

Merdî vetî, bîrîndarî nay bi jîpanê kewa

Bonî rijîya bî, çadirî bî holikê dewa

Vêşanî û xelayî ya, pepug waneno

 

Sera hezar û newsê û şeştî û şeşî

Gelê ma ra di hezar û ponsê canî şî

Zîyar û dîyarî îmdadê desî de nêşî

Bê omid mendîme, pepug waneno

 

Ercan a, se bikerî, ez kata şorî

Wazena ke vîra kerî, nêbeno vîrî

Werte de derbaz bî aşmî û serî

Zîbena cîgera mi, pepug waneno

 

Ercan Sariçîçek

 

Vûrnayena peyêne : Hîrêşeme, 21 Tebaxe 2012 13:43
Nê kategorî ra ê bînî: « Mi xo kîşt RAYÎ EST Ê »

Rawe binûsne

Ganî cayên (*) astareyinî biêrê degirewtene. Destûrê HTML-Kodî est o.

© Kirmanckî Online | 2009

Top Desktop version